სამგზავრო მატარებელი ,,ზუგდიდი-თბილისი''  სენაკიდან 7 კილომეტრში გაჩერდა. მგზავრები ორი საათის განმავლობაში  სრულ სიბნელეში, სამელი წყლის გარეშე და  და , რაც მთავარია, გაჩერების მიზეზისა და გზის გაგრძელების სავარაუდო დროის შესახებ  ინფორმაციის გარეშე აღმოჩნდნენ. 

 

სამგზავრო მატარებელი, რომელიც  18:15 წთ-ზე გავიდა ზუგდიდიდან , თბილისში 23:40 წთ-ზე უნდა ჩასულიყო, ღამის 2 საათზეც არ იყო ჩასული.

 შეფერხდა ფოთი – თბილისის მატარებლის მოძრაობაც. 

 

„საქართველოს რკინიგზის'' პრესსამსახურის განმარტებით, ფოთისა და ზუგდიდის მატარებლების მოძრაობა მძიმე მეტეოროლოგიური პირობების გამო  შეფერხდა. ორივე სამგზავრო მატარებლის შემთხვევაში საკონტაქტო ქსელს მეხი დაეცა, რამაც მატარებლების მწყობრიდან გამიყვანა გამოიწვია. თუმცა, უწყების ინფორმაციით, ორივე შემთხვევაში პრობლემა მალე აღმოიფხვრა.

 

 

 

 

”დანარჩენები მატარებლები გრაფიკის მიხედვით მოძრაობენ და იმედი გვაქვს, ასეც გაგრძელდება”, – აცხადებენ უწყებაში.