წარმატებით დასრულდა ხობისწყალის ადიდების გამო მდინარეში, პატარა კუნძულზე ჩარჩენილი ორი ადგილობრივი მეთევზის ნაპირზე გამოყვანის ოპერაცია – სამაშველო ოპერაციაში შსს-ს სამაშველო ვერტმფრენი ჩაერთო. როგორც ,,ოდიში ნიუსს'' ადგილიდან აცნობეს , მეთევზეები რამდენიმე წუთის წინ ნაპირზე ვერტმფრენით გამოიყვანეს.
,, კიდევ კარგი, რომ ვერტმფრენი დროზე მოვიდა – წყლის დონე სწრაფად მატულობდა და ცოტა ხანში მთლიანად დაფარვდა კოკს ( ასე ქვია მდინარის კუნძულს მეგრულად – ოდიში ნიუსი) – ამბობს ადგილობრივი მკვიდრი ჯანიკო ბაძაღუა.
შეგახსენებთ ჩხოროწყუში, სოფელ ხაბუმეში ხობისწყლის პატარ კუნძულზე რამდენიმე საათის განმავლობაში დარჩენილი იყო და ნაპირზე გამოსვლას ვერ ახერხებდა ორი ადამიანი . მათი დახმარება შეუძლებელი აღმოჩნდა, სანამ ვერტმფრენი არ გამოიძახეს.
ადგილობრივები ამბობენ, რომ მძლავრი ნაკადის მოულოდნელი მოვარდნა განაპირობა მეწყერის ჩამოწოლის შედეგად დაგუბებული წყლის გათავისუფლებამ.