მესტიის მუნიციპალიტეტის სოფელ ჟაბეშში მეწყრის ჩამოწოლის საფრთხე დგას. მუნიციპალიტეტის გამგებლის კახა ჟორჟოლიანის თქმით, შესაძლოა, სოფელში მცხოვრები 23 კომლის ევაკუაცია გახდეს საჭირო.
" წუხელ გვიან ღამით ჟაბეშში მეწყერის ჩამოწოლის საფრთხე იყო, თუმცა, მოგვიანებით წვიმამ იკლო და სიტუაცია ცოტა ხნით განიმუხტა. ახლა კი კვლავ წვიმს და სოფელი ისევ საფრთხის ქვეშაა, ადიდებულ ღელეს, ფრომელიც სოფლის ტერიტორიაზე ჩამოდის, მოაქვს მიწის დიდი მასა, თუმცა ჯერჯერობით კალაპოტიდან არ გადმოსულა – განაცხადა მან ტვ იმედის დილის ეთერში -მოსახლეობა შიშობს, რომ თუ წვიმა გაგრძელდა, შესაძლოა წყლის მასა კვლავ ჩამოვიდეს ან მეწყერი ჩამოწვეს. ამ დროისათვის, უამინდობის გამო რაიმე სამუშაოების წარმოება შეუძლებელია.''
.მისივე თქმით, სპეციალისტების მიერ სიტუაციის შეფასების შემდეგ, თუ საფრთხე დადასტურდა, მოსახლეობის ევაკუაცია მოხდება.