მონატრებული ზაფხულის დადგომას სამეგრელოს და არამარტო სამეგრელოს მოსახლობა დიდი ხანია ელის. გახშირებულმა წვიმებმა საზღვაო სეზონის გახსნას ხელი შეუშალა, თუმცა როგორც აღმოჩნდა სანაპირო ზოლი ვერ იყო მზად დამსვენებლების მისაღებად, სოციალურ ქსელში იგრძნობოდა მოსახლეობის უკმაყოფილება სანაპირო ზოლის მოუწესრიგებლობაზე. ტელეკომპანია ,,ოდიშის " კამერის ობიექტივმა განმუხურსა და ანაკლიაში არსებული მდგომარეობა დააფიქსირა, როგორც აღმოჩნდა სანაპირო ზოლი მოუწესრიგებელია, გამართულად არ ფუნქციონირებს საშხაპეები. დამსვენებლები უკმაყოფილოები და უფრო ხშირად იმედგაცრუებულები არიან დაბინძურებული ზღვითა და სანაპირო ზოლით.ანაკლია ორი წელია მასპინძლობს ელექტრონული მუსიკის ფესტივალს ჯემ-ფესტი, ფესტივალი წელს 14 ივლისს გაიხსნება, თუმცა ანაკლიელები ამბობენ, რომ ანაკლია ათასობით ტურისტის მისაღებად მზად არ არის.დამსვენებლების თქმით დანაგვიანებული და მოუწესრიგებელი სანაპირო ზოლით დამსვენებლებს დისკომფორტი შეექმნებათ და მომავალში მოსვლის სურვილიც არ ექნებათ.საქართველოს შავიზღვისპირეთის მარგალიტად წოდებული ანაკლია დღეს განვითარებადი კურორტია. უწინ აქ მეთევზეთა სოფელი და ნავსადგური იყო. 2012 წელს ამ ადგილზე ახალი ქალაქის ,,ლაზიკის" მშენებლობას ჩაეყარა საფუძველი, თუმცა ხელისუფლების შეცვლის შემდეგ მშენებლობა შეჩერდა. დღეს ანაკლია-განმუხური ტურისტების მოლოდინშია, თუმცა მისი მზაობა დავის საგანია.
ანაკლიასა და განმუხურში დამსვენებლები სანაპირო ზოლის მოუწესრიგებლობაზე საუბრობენ [Video]
Published on