ოპოზიციური პარტიების გადაწყვეტილებით ზუგდიდის პირველ მაჟორიტარულ ოლქში ერთიანი კანდიდატი უკვე ცნობილია. ადგილობრივი თვითმმართველობის არჩევნებში აღნიშნულ ოლქში „ევროპული საქართველოს“ ზუგდიდის ორგანიზაციის თავმჯდომარე ბათლომე შელია იბრძოლებს.
“ჩვენ მხარს ვუჭერთ ერთიანი ნაციონალური მოძრაობის მერობის კანდიდატს და ევროპული საქართველო ყველაფერს გააკეთებს იმისთვის, რომ ზუგდიდში გაიმარჯვოს სწორედ ნაციონალური მოძრაობის კადიდატმა. ასევე კოორდინაციაში ვართ სხვა მაჟორიტარულ ოლქებთან მიმართებაში. რაც შეეხება სოფლებს, აქაც რა თქმა უნდა კოორდინაციაში ვართ ნაციონალურ მოძრაობასთან. ვთვლით, რომ მათ მეტი მხარდამჭერი ჰყავთ სოფლებში და შესაბამისად იქ ნაციონალური მოძრაობის მიერ წარდგენილ კანდიდატებს დავუჭერთ მხარს.
მე ვიბრძოლებ პირველ მაჟორიტარულ ოლქში, სადაც ხელისუფლება ყველაზე მეტ ადმინისტრაციულ რესურსს იყენებს. უნდა დავარწმუნოთ ეს ხალხი იმაში, რომ ცვლილებები აუცილებელია.” – განაცხადა ბათლომე შელიამ.