მკვლელობა კახეთში – ქართველი ოლიმპიური ჩემპიონის ზურაბ ზვიადაურის ძმა ორ მეგობართან ერთად, მანქანაში ჩაცხრილეს.
არსებული ინფორმაციით, დაპირისპირება თელავის მუნიციპალიტეტის სოფელ წინანდალთან მოხდა. ავტომანქანას უცნობმა პირმა ცეცხლსასროლი იარაღიდან ესროლა და სამი ადანიანი იმსხვერპლა. ისინი თელავის ცენტრალურ საავადმყოფოში გადაიყვანეს, თუმცა , კლინიკაში შეყვანისას სამივე უკვე გარდაცვლილი იყო.
„თვითდინებით შემოიყვანეს. სასწრაფო არ ყოფილა. არ მომხდარა მათი იდენტიფიცირება, რადგან არანაირი დოკუმენტი არ ყოფილა. სავარაუდოდ, ექსპერტიზაზე გადაიყვანეს“, – ამბობს კლინიკის ხელმძღვანელი ხათუნა ჭონიაშვილი.
კლინიკის მიმდებარე ტერიტორია პოლიციას ყვითელი ლენტით აქვს შემოსაზღვრული. რა გახდა კონფლიქტის კონკრეტული მიზეზი, ჯერჯერობით უცნობია
ცნობილი ხდება, რომ სამივე მათგანს აღენიშნებოდა როგორც ცეცხლსასროლი იარაღით, ასევე ცივი იარაღით მიყენებული ჭრილობები.