საქართველოში დამდგარმა დიდმა სიცხეებმა მოსახლეობას უკვე შეუქმნა ჯანმრთელობის პრობლემები.
მიუხედავად ჯანდაცვის სამინისტროს რეკომენდაციებისა, მოსახლეობის გაუფრთხილებლობით თუ სხვა მიზეზებით უკვე არის მზის დაკვრისა და მზისგან დამწვრობის არაერთი შემთხვევა. განამ მხრივ რთული ვითარებაა ზღვისპირა რეგიონებში -პლაჟებზე.
გუშინ ბათუმის სასწრაფო-სამედიცინო დახმარების ცენტრს მზისგან დამწვრობით შვიდმა მოქალაქემ მიმართა – ინფორმაციას ამის შესახებ ცენტრის დირექტორის მოადგილე ბადრი პაქსაძე ავრცელებს.
“ბათუმში, გუშინ მზისგან დამწვრობასთან დაკავშირებით შვიდმა მოქალაქემ მოგვმართა, მათ შორის მცირეწლოვანი ბავშვებიც არიან. სასწრაფო-სამედიცინო დახმარების ბრიგადამ მოქალაქეები ქალაქის სხვადასხვა საავადმყოფოში გადაიყვანა, ნაწილი უკვე ბინაზე მკურნალობს“, – განაცხადა ბადრი პაქსაძემ მედიასთან საუბარში.