საქართველოს მიერ ბელარუსის უსაფრთხოების სამსახურთან გაფორმებულ შეთანხმებას მწვავედ აკრიტიკებენ დასავლურად მოაზროვნე ადამიანები ქვეყნის შიგნით და მეგობრები მის ფარგლებს გარეთ.
საქართველოში ამერიკის შეერთებული შტატების ყოფილი ელჩი იან კელი საქართველოს მიერ ბელარუსის უსაფრთხოების სამსახურთან გაფორმებულ შეთანხმებას სამარცხვინოს უწოდებს. ის ამას საკუთარ Twitter-ზე ეხმაურება.
“ნამდვილად სამარცხვინოა. ცოტა ხსნის წინ საქართველოს მთავრობამ ევროკავშირის შუამავლობით მიღწეული შეთანხმება დატოვა — თუ ამას არ დატოვებენ, კიდევ ერთი ნიშანი იქნება იმისა, რომ მათი პრიორიტეტები სხვაგან არის”, — წერს ის.
ლიეტუვას საგარეო საქმეთა ყოფილი მინისტრი, ლინას ლინკევიჩუსი ამბობს, რომ საქართველოს მიერ ბელარუსის უსაფრთხოების სამსახურთან დადებულ შეთანხმებას ვერ იჯერებს. მისი თქმით, ეს ყველაფერი “ხუმრობას ჰგავს”. ამის შესახებ მან საკუთარ Twitter-ზე დაწერა.
“საქართველომ ბელარუსის კგბ-სთან დადო შეთანხმება? ვერ ვიჯერებ, კვლავ ხუმრობას ჰგავს. თუ სიმართლეა, მაშინ ეს ერთადერთ რამეს ნიშნავს — საქართველოს გზა ევროკავშირისა და NATO-სკენ ძალიან ბუნდოვანი იქნება”, — წერს ის.
“ეს მართლაც ძალიან საშიშია. რატომ ახდენს საქართველო შეთანხმების იმპლემენტირებას 5 წლის შემდეგ იმ ვითარებაში, როცა მთელმა დანარჩენმა მსოფლიომ შეწყვიტა ბელარუსთან თანამშრომლობა? საქართველოს მთავრობამ პატივი უნდა სცეს ადამიანის უფლებებს და არ გადასცეს ლუკაშენკოს ჟურნალისტები და ადამიანის უფლებათა დამცველები” – წერს ევროპარლამენტარი ვიოლა ფონ კრამონი ტვიტერზე.