თბილისის საქალაქო სასამართლოში ისევ გადაიდო განაჩენის გამოტანა ჟურნალისტ ვახო სანაიაზე თავდასხმის საქმეზე, ამჯერად პროცესი მხოლოდ ნახევარ საათს გაგრძელდა. მოსამართლე გიორგი კერატიშვილმა განაჩენის გამოტანა 25 აგვისტოსთვის გადადო.
ვახო სანაიას თქმით, მოსამართლეს შეეძლო განაჩენი დღესვე გამოეცხადებინა, თუმცა ასე განზრახ არ მოიქცა.
,, წარმოუდგენელია, ამდენი პროცესის და ყველა მტკიცებულების წარდგენის შემდეგ, მოსამართლემ არ იცოდეს, რა გადაწყვეტილება უნდა მიიღოს, მაგრამ სხვა დირექტივა აქვს მიღებული
და ცდილობს, რაც შეიძლება გაწელოს პროცესი. ივლისშიც ასე მოიქცა, როდესაც 5 ივლისი უკვე მომხდარი იყო და ამ ფონზე არ მიიღო გადაწყვეტილება, გადმოიტანა აგვისტოში. ახლა ისევ გადადო, მიზეზი არ უთქვამს, მაგრამ
ყველაფერი დევს ხელის გულზე, დარწმუნებული ვარ, იცის უკვე რა გადაწყვეტილებაც უნდა მიიღოს, ასე რომ ველოდებით გამამტყუნებელ განაჩენს. სხვა განაჩენი აქ არ შეიძლება იყოს”, — აცხადებს ვახო სანაია.