თბილისის რესპუბლიკური საავადმყოფოს კლინიკური დირექტორი, დევი ტაბიძე აცხადებს, რომ სიკვდილიანობის მაჩვენებელი და ამ მაჩვენებელში ასაკის გაახალგაზრდავება კატასტროფაა. დევი ტაბიძე იმ მიზეზებზეც საუბრობს, რამაც არსებული მდგომარეობა გამოიწვია:

“ხალხმა ყურადღება მოადუნა. მათ ხელისუფლებისგან არასწორი მესიჯი მიიღეს – შეზღუდვები რომ მოიხსნა, ეს არ უნდა ყოფილიყო იმის ნიშანი, რომ ჩვენს ქვეყანაში კორონავირუსი დასრულებულია, რადგან ეს არის აბსურდი. თუ ასე გაგრძელდა 2-3 კვირის განმავლობაში, ჯანდაცვის სისტემა ჩავარდება კოლაფსში. საბოლოო ჯამში, ეს მიგვიყვანს იქამდე, რომ ძალიან დიდი რაოდენობით ჩვენს თანამოქალაქეებს, ნათესავებს, ახლობლებს დავკარგავთ. ყოველდღიურად 50 გარდაცვალება ძალიან ბევრია“ – დასძენს დევი ტაბიძე.