ძლიერმა წვიმამ რუსთავში პრობლემები შექმნა – დატბორა ქუჩები და საცხოვრებელი კორპუსების სარდაფები. მოსახლეობას წვიმის წყალი სახურავიდანაც ჩაუვიდა და სახლები დაეტბორა. ძლიერმა ქარმა რამდენიმე მისამართზე ხეები მოგლიჯა. მობილიზებულია სახანძრო, სამაშველო სამსახურები, საპატრულო პოლიცია, მიმდინარეობს ნიაღვარმიმღები ჭების გაწმენდა და სარდაფებიდან წყლის ამოტუმბვა.ქალაქის უდიდეს ნაწილს ამ დრომდე არ მიეწოდება ელექტროენერგია. ძლიერი წვიმა და ქარი ორ საათზე მეტხანს გაგრძელდა. ჭარბი ნალექის გამო სანიაღვრე სისტემამ წყალი ვერ გაატარა, რის გამოც ქალაქის გარკვეულ უბნები – მესხიშვილი, ლეონიძე, თოდრია, მეგობრობის გამზირი, ბალანჩივაძე, მე-12 მიკრორაიონი, ასევე, შიდა ეზოები და უბნები, ჭყონდიდელის დასახლება დაიტბორა.რუსთავში ძლიერმა ქარმა რჩეულიშვილის ქუჩაზე საცხოვრებელ სახლს სახურავი მთლიანად ახადა. საცხოვრებელი სახლის სახურავი დააზიანა ქარმა სანაპიროს ქუჩაზე.
ძლიერმა წვიმამ თბილისსა და რუსთავში პრობლემები შექმნა – დატბორა ქუჩები და საცხოვრებელი კორპუსების სარდაფები
Published on