კასპის მუნიციპალიტეტის სოფელ გოსტიბეში დაკარგული 66 წლის ქალი მაშველებმა გაუჩინარებიდან მე-5 დღეს იპოვეს.
საგანგებოს სიტუაციების მართვის სამსახურის ინფორმაციით, ქალი სახლიდან 7 აგვისტოს, სავარაუდოდ, ტყის მიმართულებით იყო გასული, რის შემდეგაც ოჯახის წევრებისთვის კვალი იკარგებოდა.
” სოფელ გოსტიბეს ტყეში აქტიური საძიებო-სამაშველო ღონისძიებები შეტყობინების მიღებისთანავე დაიწყო. მეხანძრე-მაშველებმა ტერიტორიაზე არსებული ხევებისა და ტყის მასივების დათვალიერების შედეგად გაუჩინარებული ქალბატონის ადგილსამყოფელის იპოვეს და ქალბატონი უსაფრთხო ადგილზე გამოიყვანეს. მის სიცოცხლეს და ჯანმრთელობას საფრთხე არ ემუქრება”. – წერია სახანძრო-სამაშველო ძალების დეპარტამენტის თგანცხადებაში.
უწყების ცნობით, სამძებრო სამუშაოებში მონაწილეობას იღებდა შიდა ქართლის მთავარი სამმართველოს სამაშველო ჯგუფი ყველა აუცილებელი აღჭურვილობით. საძიებო პროცესში ჩართული იყო დრონიც.