აშშ -ის პრეზიდენტის ჯო ბაიდენის განცხადებით, ავღანეთიდან ჯარების გაყვანის გადაწყვეტილებას არ ნანობს, – ინფორმაციას BBC-ი ავრცელებს.
ამასთან, პრეზიდენტი ბაიდენი ავღანეთის ლიდერებს მოუწოდებს, თავიანთი ქვეყნისთვის იბრძოლონ.
მისი თქმით, აშშ ასრულებს ავღანეთის წინაშე აღებულ ვალდებულებებს, როგორიცაა საჰაერო მხარდაჭერა, სამხედროებისთვის ხელფასების გადახდა და ავღანური შეიარაღებული ძალების კვება და აღჭურვილობა, თუმცა მათ უნდა იბრძოლონ საკუთარი თავისთვის.
„ავღანელი ლიდერები უნდა გაერთიანდნენ. მათ უნდა იბრძოლონ თავიანთი თავისთვის, თავიანთი ქვეყნისთვის,“- აღნიშნა ბაიდენმა.
შეგახსენებთ, აშშ-სა და სხვა ქვეყნების ჯარების გაყვანის პროცესის დაწყების შემდეგ ავღანეთში თალიბები გააქტიურდნენ და საკუთარი კონტროლის დამყარება დაიწყეს. ამჟამად მათ ქვეყნის 8 პროვინციის დედაქალაქი აქვთ ხელში ჩაგდებული. აქედან ფარაჰის პროვინციის იავე სახელწოდების დედაქალაქი ფარაჰი და ბაღლანის პროვინციის დედაქალაქი ფულ-ი-ხუმრი თალიბმა ბოევიკებმა გუშინ აიღეს.
გაეროს მონაცემების თანახმად, „თალიბანსა“ და სამთავრობო ძალებს შორის მწვავე ბრძოლებს გასული თვის განმავლობაში 1 000-ზე მეტი მშვიდობიანი მოქალაქის სიცოცხლე ემსხვერპლა.