პენტაგონის მიერ წარდგენილი გეგმის თანახმად,15 სექტემბრიდან აშშ-ს შეიარაღებულ ძალებში დასაქმებული პირებისათვის COVID-19-ის საწინააღმდეგო ვაქცინით აცრა სავალდებულო გახდება.

თეთრი სახლის ცნობით, პრეზიდენტი ჯო ბაიდენი მხარს უჭერს ოსტინის ინიციატივას და  მზადაა  ხელი მოაწეროს საბოლოო ბრძანებას .

“მე და მდივანი ოსტინი ვიზიარებთ ურყევ ვალდებულებას დავრწმუნდეთ, რომ ჩვენს არმიას გააჩნია ყველა ის ინსტრუმენტი, რომელიც საჭიროა მათი სამუშაოს რაც შეიძლება უსაფრთხოდ შესასრულებლად. ეს ვაქცინები ბევრ სიცოცხლეს გადაარჩენს”. – წერია პრეზიდენტის ოფიციალურ წერილში.

თავდაცვის მდივნის, ლოიდ ოსტინის თქმით, ეს იქნება ვაქცინაციის ერთ-ერთი ყველაზე მასშტაბური კამპანია, რომელიც 4 მილიონზე მეტ სამხედრო მოსამსახურეს და რეზერვისტს მოიცავს.

თავდაცვის დეპარტამენტის ცნობით, 1.2 მილიონზე მეტ სამხედრო მოსამსახურე უკვე სრულად ვაქცინირებულია. არმიის 50%-ს, საზღვაო და საჰაერო ძალების 70%-ს კი ვაქცინის ერთი დოზა მაინც აქვს მიღებული.