ზუგდიდში, სამხარეო ადმინისტრაციის შენობის წინ “დროას” აქტივისტმა მარიამ სიჭინავამ კიბეზე წარწერა “ამ სისტემის დედაც…” დატოვა, რითაც 15 წლის მოზარდის ლუკა სირაძის გარდაცვალების ფიგურანტის, გამომძიებელ მარიანა ჩოლოიანის ციხიდან გათავისუფლება გააპროტესტა.
შეგახსენებთ, ლუკა სირაძემ სიცოცხლე თვითმკვლელობით დაასრულა, მანამდე კი წერილი დატოვა, რომელიც ასე მთავრდებოდა: “ამ ცხოვრების დედაც…”. გამომძიებელმა მარიანა ჩოლოიანმა, რომელიც ლუკა სირაძეზე ფსიქოლოგიურ ზეწოლას ახდენდა, საპატიმროში მხოლოდ წელიწადნახევარი დაჰყო.
რაც შეეხება მოძრაობა “დროას” აქტივისტს, მან განაცხადა, რომ ამ ნაბიჯით სოლიდარობა გამოუცხადა შუშანა მაცაბერიძეს, რომელიც ასევე “დროას” აქტივისტია და თბილისში, პროკურატურასთან მსგავსი წარწერის გაკეთების მცდელობისას დააკავეს.