ქართველი სპორტსმენი, ტოკიოს ოლიმპიადის მონაწილე, ბირთვის მკვრელი ბენიკ აბრამიანი ოლიმპიადას ჩამოაშორეს. დოპინგ-ტესტის შემდეგ დადგინდა, რომ მას წესდებით აკრძალული, ანაბოლიტური სტეროიდის შემცველი პრეპარატი ჰქონდა მიღებული.
ინფორმაცია დოპინგ-ტესტირების საერთაშორისო სააგენტოს ვებგვერდზეა გამოქვეყნებული. დოპინგ-კონტროლი 31 ივლისს ჩატარდა.
აბრამიანი ვერ მიიღებს მონაწილეობას შეჯიბრებაში, რომელიც დღეს, 3 აგვისტოსაა დაგეგმილი, თუმცა, თავად სპორტსმენს აქვს უფლება, გადაწყვეტილება სპორტული საქმეების საერთაშორისო არბიტრაჟში გაასაჩივროს.