შარლ მიშელის შეთანხმებიდან “ქართული ოცნების”გასვლაზე ევროპელ პარტნიორთა ნეგატიური რეაქციები გრძელდება – “მთავარი არხის” ინფორმაციით, ლატვიამ და ესტონეთმა გააუქმეს პრემიერ ირაკლი ღარიბაშვილის ვიზიტები. შეხვედრები 8 და 9 აგვისტოს იყო დაგეგმილი.
ოპოზიციას ეს ფაქტი არ უკვირს და ამბობს, რომ ეს არ იქნება ერთეული შემთხვევა და უარყოფითი რეაქცია ჯაჭვური გახდება. მათივე თქმით, შემდეგი ეტაპი, შესაძლოა, სანქციები იყოს.
ცნობისთვის, 28 ივლისს “ქართული ოცნების” ლიდერმა, ირაკლი კობახიძემ შარლ მიშელის დოკუმენტი ანულირებულად გამოაცხადა, ხოლო ოცნება – შეთანხმებიდან გასულად.