ზუგდიდში ძლიერმა წვიმის შედეგად პრობლემები შეიქმნა. თაბუკაშვილისა და თეთრი გიორგის ქუჩაზე რამდენიმე სახლი დაიტბორა. მოსახლეობის თქმით, მათ მერიის შესაბამის სამსახურებს დახმარებისთვის არაერთხელ მიმართეს, თუმცა უშედეგოდ. მათივე განმარტებით, ყოველი წვიმის დროს ანალოგიური სიტუაცია იქმნება. ასევე, დღეს დილით ზ.გამსახურდიას გამზირზე მრავალწლოვანი ხე წაიქცა და იქვე მდგომი მანქანები დააზიანა. ავტომობილებში მოქალაქეები არ ისხდნენ და შემთხვევის შედეგად არავინ დაშავებულა. ქალაქში ელექტროსადენებიც დაზიანებულია.