პრემიერმინისტრმა, ირაკლი ღარიბაშილმა მთავრობის სხდომის დაწყებამდე გადაწყვიტა შეეფასებინა ბოლო დღეებში განვითარებული მოვლენები.
“ჩემი შეფასება, ზოგადად, ამ დღეების განმავლობაში, როგორ განვითარდა მოვლენები: ეს არის მორიგი წარუმატებელი შეთქმულება სახელმწიფოს წინააღმდეგ. ანტისახელმწიფოებრივი და ანტიეკლესიური ძალების მიერ დაგეგმილი შეთქმულება ვერ შედგა და ვერასოდეს ვერ შედგება ჩვენს ქვეყანაში”, — განაცხადა ღარიბაშვილმა.
პრემიერმინისტრის მტკიცებით, 5 ივლისს, ძალადობრივ კონტრაქციაზე სასტიკად ნაცემი ჟურნალისტის, ლექსო ლაშქარავას გარდაცვალება სცადეს გამოეყენებინათ პოლიტიკური მიზნებისთვის.
“ეს ტრაგედია, ჩვენ ვნახეთ ყველამ, რომ სცადეს გამოეყენებინათ, ამ ადამიანის ტრაგედია, საკუთარი პოლიტიკური მიზნების მისაღწევად. რა შეიძლება იყოს იმაზე ამორალური, როცა გარდაცვლილი ადამიანის ტრაგედიით ცდილობს საკუთარი პოლიტიკური მიზნების მიღწევას?!
პრემიერმინისტრმა სამთავრობო ტრიბუნიდან გააკრიტიკა ყველა, ვინც მომხდარი ძალადობის გამო პატრიარქის პასუხისმგებლობის დაყენება მოითხოვა.
“ეს იყო კლასიკური ანტისახელმწიოებრივი, ანტიეკლესიური და მაშასადამე ანტიეროვნული გზავნილები, რომელიც ჩვენ გუშინ მოვისმინეთ. გუშინ აგრესიული გამომსვლელები ითხოვნდენ პატრიარქის დაკავებას პოლიციის მიერ. მე ბოდიშს ვუხდი საზოგადოებას, რომ აღნიშნულს ვიმეორებ.”, — განაცხადა ღარიბაშვილმა.