მთავრობის ადმინისტრაციის ყოფილი ხელმძღვანელი და პარტია საქართველოსთვის წევრი, ნათია მეზვრიშვილი ამბობს, რომ 6 ივლისს ხელისუფლებამ პოლიციელები “უხერხულ მდგომარეობაში” ჩააყენა.
“გუშინ ხელისუფლებამ პოლიცია ჩააყენა ძალიან უხერხულ მდგომარეობაში. პოლიცია დააყენეს 48 საათის განმავლობაში, სამოქალაქო დაპირისპირებას აყურებინეს, პრაქტიკულად, ასე უმოძრაოდ აყურებინეს ამ პროცესებს.
როგორც ჩანს, ამ ხელისუფლებისთვის პოლიციის ღირსება არაფერს ნიშნავს. მადლობებს კი არ უნდა იხდიდნენ, პოლიციას უნდა უხდიდნენ ბოდიშს”, – აღნიშნა მეზვრიშვილმა.