ვეტერანთა კავშირის თავმჯდომარე დღეს ზუგდიდში იმყოფებოდა. ირაკლი შიხიაშვილმა საქველმოქმედო კავშირ „მადლი 2014“ -ის წარმომადგენელ ირაკლი ქარჩავასთან ერთად სამეგრელოში, ზუგდიდში ვეტერანებისა და მათი ოჯახებისთვის ტანსაცმელი, პირველადი დახმარების ნივთები და ჰიგიენური საშუალებები ჩაიტანა. ვეტერანთა კავშირის თავმჯდომარე ვეტერანებს შეპირდა, რომ ისინი სადაზღვევო ბარათებით ისარგებლებენ, რომლის საშუალებით მათ დაუფინანსდება როგორც სამედიცინო მომსახურეობა, ასევე ფასდაკლებით ისარგებლებენ მედიკამენტების შეძენის დროს.