საპარლამენტო უმრავლესობის წევრი, “ქართული ოცნების” დეპუტატი ირაკლი ზარქუა “სტრატეგია აღმაშენებლის” თავმჯდომარეს გიორგი ვაშაძეს პარლამენტის სხდომაზე გაკეთებული განცხადებების შემდეგ შეეხმიანა და მეგრულად გალანძღა. მან გიორგი ვაშაძეს “ჩიჩიე” (მხდალი, ლაჩარი) უწოდა.
ეს მას შემდეგ მოხდა, რაც გიორგი ვაშაძემ სხდომაზე ხუთი პენსიონერი მიიყვანა, ხოლო ხელისუფლების საპენსიო პოლიტიკა მკაცრად გააკრიტიკა. გიორგი ვაშაძის კრიტიკის ობიექტი თბილისის მერი კახა კალაძეც იყო.
“ჭიჭე ვაშაძე, ჯუნიორი… რა დავარქვა… ჩიჩიე ვაშაძე… იწვევს მაინც თემას, არ გამოდის სხვანაირად, ითხოვს ტიპი, ითხოვს, ითხოვს, მეტი არაფერი… პენისონერების თემაზე გუშინ 5 ქალბატონი მოიყვანა, ოთხი მერე ჩვენ ჩაგვეხუტა. მადლობა სიმართლისთვის, ამ პოპულისტებთან რატომ მოვედითო. ახლა კახა კალაძეს ეცა”, — თქვა ირაკლი ზარქუამ გიორგი ვაშაძის მისამართით.