ინფექციური პათოლოგიის და შიდსის ცენტრიდან (ინფექციური საავადმყოფო) პაციენტს ელექტრონული ვერსიით გაუგზავნეს ანალიზის პასუხები, მის PDF ფაილს კი “დამპალი” (dampali) დაარქვეს. – შესაბამისი სქრინი ელფოსტიდან “ფეისბუქის” ჯგუფში “სასოწარკვეთილი მომხმარებლები” ა. ა.-ძემ გამოაქვეყნა,რომელიც წერს:
“პოსტი ეხება ინფექციურ საავადმყოფოს და თუ არ დაგეზარათ,ჩაიკითხეთ ბოლომდე:
2 დღის წინ მშობლები მყავდა ინფექციურ საავადმყოფოში, ექიმთან გვჭირდებოდა კონსულტაცია და ჩავაბარეთ ანალიზები, დავტოვე ელ.ფოსტა,სადაც პასუხები უნდა მიმეღო,ვინაიდან ჩემ გარეშე მშობლები ვერ მივიდოდნენ ასაღებად,მე კი ვმუშაობ და მოგეხსენებათ, არაა მარტივი კვირაში 7 ჯერ გათავისუფლების თხოვნა.
მოკლედ ჯერ სულ ძალით ჩავაწერინე მეილი, აქ მოხვალ და აიღებო-ამას აწვებოდნენ,მერე როგორც იქნაა დამთანხმდნენ. იმ დღეს,2 საათში უნდა ყოფილიყო პასუხი,მომივიდა მართლაც და აღმოჩნდა სხვა პაციენტის,მივწერე,დავურეკე და ვერ დავაჯერე,მაგრამ კარგი ვნახავთო(მომიშორეს თავიდან). მას შემდეგ კიდევ რომ არ გამომოგზავნეს ვრეკე, ვიხვეწე ჩემი პასუხები და 3 დღის შემდეგ მიგზავნიან დედაჩემის პასუხის ფაილს,რომლის სახელის დანახვაც გაგაოგნებთ…
სასტიკად გაღიზიანებული ვარ,თან ძალიან მეცინება. ასე თუ იხსენიებენ პაციენტებს,დარწმუნებული ვარ ამათი მკურნალობის სანდოობაშიც”, – წერს ა.ა-ძე.
ინფექციური პათოლოგიის და შიდსის ცენტრს მომხდართან დაკავშირებით, ჯერჯერობით კომენტარი არ გაუკეთებია.
