ჩამოვა თუ არა საქართველოში ნაციონალური მოძრაობისდამფუძნებელი და ექსპრეზიდენტი, მიხეილ სააკაშვილი მხოლოდ მისი გადასაწყვეტია. რაც შეეხება სააკაშვილის არშესრულებულ დაპირებებს ჩამოსვლის შესახებ,პაარტიის თავმჯდომარის, ნიკა მელიას შეფასებით, ეს ამომრჩეველზე სხვადასხვაგვარად მოქმედებს, ზოგი იმედგაცრუებულია, ზოგი არა და ის სხვისი სახელით ვერ ისაუბრებს.
“მე არა მგონია, რომ მიხეილ სააკაშვილი ამიერიდან იტყვის ჩამოვალო და არ ჩამოვა. თუ იტყვის, რა თქმა უნდა, უნდა ჩამოვიდეს.. იმ შემთხვევაში, თუ მიხეილ სააკაშვილი საქართველოში ჩამოსვლას დააპირებს, ძალიან საფრთხილო საკითხია, რომ პროვოკაციაზე არ წამოგვაგოს ბიძინა ივანიშვილმა. ჩემი პირადი აზრი თუ გაინტერესებთ, სააკაშვილი საქართველოში მას შემდეგ უნდა დაბრუნდეს, როცა ქართული ოცნების ხელისუფლება დასრულდება”— განაცხადა ნიკა მელიამ მერიკის ხმასთან ინტერვიუში.
20 აპრილს ექსპრეზიდენტმა ენმ-ს წევრებს მოუწოდა, ხელი მოაწერონ შარლ მიშელის შეთახნმებას, ოღონდ მას შემდეგ, რაც ნიკა მელია უპირობოდ გათავისუფლდება. მისი თქმით, ეს საშუალებას მისცემთ, რომ მოემზადონ თვითმართველობის არჩევნებისთვის, რაც “რეფერენდუმია ივანიშვილის მმართველობის დასასრულებლად”. სწორედ ამ დროს ჩამოსვლის პირდება ის მხარდამჭერებს და ამბობს , რომ მათ გვერდით იბრძოლებს.