დიდი შვიდეულის ქვეყნებმა შეხვედრის დასრულების შემდეგ გამოაქვეყნებს კომუნიკე, სადაც რუსეთს დესტაბილიზაციის გამომწვევი და მავნე ქმედებების შეწყვეტისკენ მოუწოდებენ.”
“სამიტის დასრულების შემდეგ გამოქვეყნებულ კომუნიკეში, შეერთებული შტატების, გაერთიანებული სამეფოს, კანადის, გერმანიის, იაპონიის, საფრანგეთისა და იტალიის ლიდერები რუსეთს კიდევ ერთხელ მოუწოდებენ შეწყვიტოს სხვა ქვეყნების დემოკრატიულ სისტემებში ჩარევა და ჯარი გაიყვანოს აღმოსავლეთ უკრაინიდან.
ჩვენ კიდევ ერთხელ მოვუწოდებთ რუსეთს, რომ შეწყვიტოს დესტაბილიზაციის გამომწვევი და მავნე ქმედებები, რაც მოიაზრებს მის ჩარევას სხვა ქვეყნების დემოკრატიულ სისტემებში და შეასრულოს მისი საერთაშორისო ვალდებულებები”, — წერია კომუნიკეში, რომელიც დიდმა შვიდეულმა მიიღო
კომუნიკეში მათი მხარდაჭერა აღნიშნეს უკრაინის ტერიტორიული მთლიანობის მიმართ და მოუწოდეს რუსეთს აღმოსავლეთ უკრაინიდან ჯარები გაიყვანოს. მათ, ასევე, აღნიშნეს, რომ ამ კონფლიქტში რუსეთი მხარეა და არა შუამავალი
7 ქვეყნის ლიდერები ადასტურებენ, რომ რუსეთთან სტაბილური და პროგნოზირებადი ურთიერთობის ინტერესი აქვთ. კომუნიკეში რუსეთს მედიისა და სამოქალაქო საზოგადოების სისტემური დევნის შეწყვეტისა და რუსეთიდან განხორციელებული კიბერთავდასხმებში მონაწილე პირების პასუხისგებაში მიცემისკენაც მოუწოდებენ.