16 ივნისს ჟენევაში აშშ-ს პრეზიდენტის, ჯო ბაიდენისა და რუსეთის პრეზიდენტის, ვლადიმერ პუტინის შეხვედრა გაიმართება.
აშშ-ს ყოფილი ელჩი რუსეთში მაიკლ მაკფოლი ტვიტერზე სამომავლო შეხვედრას გამოეხმაურა.
მისი შეფასებით, მსოფლიომ დაივიწყა, რომ რუსი ჯარისკაცები უკანონოდ იმყოფებიან საქართველოშიც.
“პუტინთან ბოლო შეხვედრის დროს 2011 წელს, ბაიდენმა გააკრიტიკა რუსეთის მიერ საქართველოს ტერიტორიების ოკუპაცია. იმედი მაქვს, ის იმავეს იზამს შემდეგ კვირას. როგორც ჩანს მსოფლიოს დაავიწყდა, რომ რუსი ჯარისკაცები უკანონოდ არიან რჩებიან არა მხოლოდ უკრაინაში, არამედ საქართველოშიც (სამწუხაროდ, მოლდოვაშიც)”, — წერს მაიკლ მაკფოლი.