კომიკურია, მაგრამ მმართველმა გუნდმა ფაქტობრივად დაადასტურა, რომ გიორგი გახარიას მიმართ ირაკლი კობახიძის განცხადებები ცილისწამება იყო და არ ეფუძნებოდა ეფუძნებოდა ფაქტებსა და მტკიცებულებებს- ეს განცხადება პარლამენტის პლენარულ სხდომაზე გახარიას პარტია „საქართველოსთვის“ წარმომადგენელმა ანა ბუჩუკურმა გააკეთა.
მისი შეფასებით, კობახიძის უმძიმესი ბრალდებები მიმართული იყო არა მხოლოდ ყოფილი პრემიერ-მინისტრის, არამედ „, მოქმედი პოლიციელებისა და ჯარისკაცების მიმართ“.
„ ამაზე ჩვენმა გუნდმა სამართლებრივი რეაგირება და გამოძიების დაწყება მოითხოვა. ამის შემდეგ, როგორც ჩანს, მმართველი პარტიის ლიდერშიპი იძულებული გახდა უკან დაეხია და რიტორიკა შეეცვალა. გუშინ მოვისმინეთ, თითქოს ირაკლი კობახიძის განცხადებები იყო არა ბრალდებები, არამედ – პოლიტიკური განცხადებები“, – განაცხადა ანა ბუჩუკურმა