ყაჩაღობა მოხდა ოზურგეთში – “სოკარის” ბენზინგასამართი სადგური გუშინ, კომენდანტის საათის დროს დააყაჩაღეს.
როგორც ირკვევა, ბენზინგასამართ სადგურზე ერთი პირი შეიჭრა და ცეცხლსასროლი იარაღის მუქარით 130 ლარამდე თანხა გაიტაცა. შემთხვევის შედეგად არავინ დაშავებულა.
შინაგან საქმეთა სამინისტროში აცხადებენ, რომ ეჭვმიტანილი ცხელ კვალზე დააკავეს. გამოძიება სისხლის სამართლის კოდექსის 179-ე მუხლით მიმდინარეობს.