დღეს მოსამართლეთა კონფერენციაზე იუსტიციის უმაღლეს საბჭოში ასარჩევ 4 მოსამართლე წევრს უნდა უყარონ კენჭი.
ამასთან დაკავშირებით, იუსტიციის უმაღლეს სკოლასთან მოძრაობა სირცხვილია მართავს აქციას “კლანი უნდა დასრულდეს” .
აქტივისტები მოითხოვენ, შარლ მიშელის შეთანხმების შესრულებამდე, იუსტიციის უმაღლესი საბჭოს მოსამართლე წევრების არჩევის პროცესი შეჩერდეს.
მოძრაობა სირცხვილიას პროტესტს არასამთავრობო სექტორისა და ოპოზიციის წარმომადგენლებიც შეუერთდნენ.
როგორც ისინი ამბობენ, დღევანდელი კონფერენცია კიდევ ერთხელ მიუთითებს იმაზე, რომ ქართული ოცნება შარლ მიშელის დოკუმენტის შეთანხმების შესრულებას თავს აარიდებს.
იუსტიციის უმაღლესი საბჭოს წევრის, ლევან მურუსიძის მტკიცებით, არასამთავრობო ორგანიზაციები და მათ შორის დღევანდელი აქციის ორგანუზატრები დონორებისგან მიღებულ ფინანსებს “მოსამართლეების ბულინგისთვის” იყენებენ. მურუსიძე ფიქრობს, რომ ასე დამოკიდებელი სასამართლო სისტემა ვერ გაკეთდება.
“როდესაც არასამთავრობო ორგანიზაციები იღებენ დონორების ფულს და ამ ფულს იყენებენ იმაში, რომ დააბულინგონ მოსამართლეები, მათ მიმართ განახორციელონ მორალური ზეწოლა, როდესაც ტელევიზიებშიც 27/7-ზე მიმდინარეობს მოსამართლეების ლანძღვა გინება, ამით ვერ გაკეთდება დამოუკიდებელი სასამართლო სისტემა. სასამართლოს სჭირდება ხელშეწყობა და არა ბულინგი”, – თქვა ლევან მურუსიძემ.