ყოფილი პრემიერის გიორგი გახარიას პარტიის პრეზენტაცია ექსპო ჯორჯიას საგამოფენო სივრცეში 29 მაისს 18 საათზე გაიმართება. პარტიის სახელის ერთ-ერთ ვერსიად “ვერთიანდებით საქართველოსთვის” განიხილება – იფორმაციას ამის შესახებ ფორმულა აქვეყნებს
ფორმულას ცნობითვე, მანამდე, პრეზენტაციის გამართვა 26 მაისს გამართვა განიხილებოდა.
მმართველ პარტიაში აცხადებენ, რომ მათ არა აქვთ მოლოდინი და შიში იმისა, რომ გიორგი გახარიამ სწორედ ქართულ ოცნებას “წაართვას” ხმები. ქართული ოცნების წევრი სოზარ სუბარი ამბობს, რომ გიორგი გახარია თბილისის მერად კენჭის ყრას ვერ გაბედავს.
ჩვენ არანაირი კონკურენციის არ გვეშინია. 43%-იან ბარიერზეც იმიტომ მოვაწერეთ ხელი, მზად ვართ, თუ 43%-საც ვერ ავიღებთ, მზად ვართ ვადამდელი არჩევნებისთვის. არ გვეშინია არც 43%-ის, არც 45-ის და არც 50-ის. უკონკურენტო ვიქნებით”, – ამბობს სუბარი.
