იმ შემთხვევაში, თუ ხელისუფლებასა და რიონის ხეობის მცველებს შორის შეთანხმება უახლოესი რამდენიმე საათის განმავლობაში ვერ მოხერხდება, საპროტესტო აქციის მონაწილეები სახელმწიფო დაწესებულებათა პიკეტირებას დაიწყებენ – ასეთია ნამოხვანჰესის აშენების მოწინააღმდეგეთა გეგმა, რომლის შესრულება, შესაძლოა, 25 მაისიდან დაიწყოს.
მანამდე კი დედაქალაქში ახალი კარვების ქალაქი გაჩნდა – თბილისის ცენტრალური ნაწილი, უკვე მეორე დღეა პარალიზებულია.
“ქართულ ოცნებასა” და რიონის ხეობის მცველებს ძალიან ცოტა დრო დარჩათ შესათანხმებლად. დღეს დაანონსებული “თბილისის პარალიზება” არ შედგა, რადგან აქციის მონაწილეები ქუჩებში მსვლელობით შემოიფარგლნენ და მხოლოდ მშრალი ხიდისკენ მსვლელობას და უკან, პირველი რესპუბლიკის მოედანზე დაბრუნებას დასჯერდნენ. სახალხო პროტესტის მონაწილეები ამ დრომდე პირველი რესპუბლიკის მოედანზე, კარვებში რჩებიან.