პრემიერ-მინისტრი ირაკლი ღარიბაშვილი გიორგი გახარიას პოლიტიკურ გეგმებთან დაკავშირებით დასმულ კითხვაზე აცხადებს, რომ ყველა ადამიანის ქმედებას საკადრისი პასუხი გაეცემა. 

“გახარიაზე რა უნდა გითხრათ?! გუშინ გავაკეთეთ კომენტარი, ყველა ადამიანის ქმედებას გაეცემა საკადრისი პასუხი და ყველას და ყველაფერს დაერქმევა სახელი,”- ამბობს პრემიერ-მინისტრი. 

გუშინ, “ქართული ოცნების” თავმჯდომარემ ირაკლი კობახიძემ განაცხადა, რომ ყოფილმა პრემიერ-მინისტრმა, გიორგი გახარიამ საკუთარ გუნდს “ზურგში დანა დაარტყა” და 17-18 თებერვალს “ფართო გაგებით მოიტყუა.”