თბილისში, პეკინის გამზირზე დევნილთა საერთო საცხოვრებელში დღეა დილით გაჩენილი ხანძარი ლიკვიდირებულია. მაშველების მიერ .სადარბაზოდან და სპეციალური კიბით მოხდა დაახლოებით 300 – მდე მოსახლის, მათ შორის ბავშვების ევაკუაცია, ხანძრის შედეგად დაშავებული არავინაა”

“ხანძარი ლიკვირიდებულია, ხანძარი გაჩნდა მე-5 სართულზე და სხვა სართულებსაც გადაედო , იწვოდა დაახლოებით 300 კვადრატი, მე-5, მე-6 და მე-7 სართულზე. ადგილზე 14 სახანძრო-სამაშველო ჯგუფი მუშაობდა. – აცხადებენ საგანგებო სიტუაციების მართვის სამსახურის თბილისის მთავარ სამმართველოში.

ხანძრისას ახალგაზრდა ქალი გადმოვარდა. არსებული ინფორმაციით, იგი ძალიან იყო შეშინებული და შენობიდან გამოღწევას ცდილობდა, კერძოდ, მე-5 სართულის ფანჯრიდან ძირს ჩამოსასვლელად გაზის მილს გამოჰყვა. მეზობლები ამბობენ, რომ გოგოს ფეხი დაუცურდა და ჩავარდა. დაშავებული სასწრაფო დახმარების მანქანამ საავადმყოფოში გადაიყვანა. 

ხანძრის გამომწვევი მიზეზების დასადგენად საგამოძოები სამუშაოები მიმდინარეობს.