უწყებათაშორის საკოორდინაციო საბჭოსთან არსებული ოპერაციული შტაბის უფროსის გიორგი ღიბრაძის თქმით, ვაქცინის ჩასატარებლად მოქალაქეებს ტელეფონით რეგისტრაციაც შეუძლიათ.

როგორც მან საბჭოს სხდომის დასრულების შემდეგ ისაუბრა, მოქმედებს ცხელი ხაზი – 15 22.

“გაიზრდება ამცრელი კაბინეტებებისა და შესაბამისად, ამცრელი ბრიგადების რაოდენობა. გარდა ამისა, გვსურს, იმ ადამიანებს, რომლებსაც ვაქცინაზე ელექტრონულად დარეგისტრირების შესაძლებლობა არ აქვთ, შევახსენოთ, რომ მოქმედებს ცხელი ხაზი 15 22, რომელიც მსურველებს აძლევს შესაძლებლობას, კოვიდ-19-ის საწინააღმდეგო ვაქცინის ჩასატარებლად ტელეფონით დარეგისტრირდნენ. აღნიშნულ ცხელ ხაზზე მოქალაქეებს ასევე ამისამართებს 112 და ერთიანი სამთავრობო ცხელი ხაზი 144”, – თქვა ღიბრაძემ.