ე.წ. ქურდულ გარჩევას ჰქონდა ადგილი წუხელ, ხობში. ურთიერთშელაპარაკება "მაყურებლის სტატუსის" დანიშვნაზე მოხდა. ამის შესახებ ინფორმაციას "ნიუპოსტი" ავრცელებს.
გ.ხ ზურგის არეში დაჭრეს და წმინდა ლუკას ცენტრში ჰყავდათ გადაყვანილი, სადაც ქირურგიული ოპერაცია ჩაუტარდა. ამ დროისთვის მისი მდგომარეობა საშუალო სიმძიმისაა და ის ზუგდიდის რესპუბლიკურ საავადმყოფოშია მოთავსებული. რაც შეეხება მეორე დაჭრილს, მ.მ-ს, ის ქუთაისის საავადმყოფოშია მოთავსებული.
მომხდარზე გამოძიება ამ დროისთვის სისხლის სამართლის კოდექსის 124-ე მუხლით მიმდინარეობს, რაც ჯანმრთელობის ნაკლებად მძიმე ან მძიმე დაზიანებას გაუფრთხილებლობით გულისხმობს.