სამეგრელო -ზემო სვანეთის გუბერნატორი, მამუკა თორია, ,,ევროპული საქართველოს” წარმომადგენლის ბრალდებას პასუხობს. მამუკა თორია აცხადებს, რომ დემაგოგია და პოლიტიკური მასკარადია ის ბრალდება, რაც აღნიშნულმა პარტიამ ბიუჯეტის უმართებულო ხარჯვასთან დაკავშირებით გააჟღერა.
ეს არის ელემენტარული ხარჯები, რაც სჭირდება სახელმწიფო რწმუნებულის ადმინისტრაციას და მუშაობისთვის. ბიუჯეტი არის მაქსიმალურად შემცირებული, პირიქით, გვაქვს ეკონომიები. რაც შეეხება ხარჯებს, მუდმივად ხდება ყოველწლიურად მისი შემცირება და ოპტიმიზაცია. ის, რაც დღეს თქვენ იხილეთ, არის იაფფასიანი პოლიტიკური მასკარადი. ეს არის სრული დემაგოგია და თქვენ შეგიძლიათ, დეტალური ბიუჯეტი ნახოთ და გაეცნოთ. პირიქით, ჩვენ გვაქვს ეკონომია და მხოლოდ სამი თვის განმავლობაში 30 ათასი ლარის დანაზოგი გვაქვს – აცხადებს სამეგრელოს გუბერნატორი.
,,ევროპული საქართველოს” წარმომადგენელმა დღეს განაცხადა, რომ ინფრასტრუქტურის მინისტრის მონაწილეობით გამართული თათბირი ბიუჯეტს 3000 ლარი დაუჯდა.