პარლამენტის ადამიანის უფლებათა დაცვის კომიტეტმა პირველი მოსმენით დაუჭირა მხარი “ევროპული საქართველოს“ ინიციატივას, რომელიც დევნილთა შემწეობის 45-დან 60 ლარამდე გაზრდას ეხება. 

 

ინიციატივის მიხედვით, ასევე, საარსებო შემწეობის მიღების შემთხვევაში დევნილის შემწეობის მიღება აღარ შეჩერდება. დევნილი ოჯახის ბინით უზრუნველყოფა აღარ გამოიწვევს შემწეობის გაუქმებას. გარდა ამისა, ყოველთვიური შემოსავლის ზღვარი, რომელიც მიღების შემთხვევაში დევნილს შემწეობა ეხსნებოდა, 1250-დან 1500 ლარამდე აიწევს. დევნილის სტატუსი კი მიენიჭება არამხოლოდ იძულებით გადადგილებულ პირებს, არამედ მათ არაოკუპირებულ ტერიტორიებზე დაბადებულ შთამომავლებსაც.

 

აღნიშნული ინიციატივის პაკეტი 2018 წლის ბიუჯეტში, საერთო ჯამში 75 მლნ ლარის მობილიზებას იოთვალისწინებს.