საქართველოს კათალიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში საკვირაო ქადაგებისას გამოთქვა იმედი, რომ სირთულეები, რომელიც რუსეთსა და საქართველოს შორის არსებობს, გამოსწორდება და საქართველო აფხაზეთსა და სამაჩაბლოს დაიბრუნებს
დღესვე სამებაში საკვირაო ქადაგებაზე შეკრებილ მრევლს მიმართა მოსკოვის სასულიერო სემინარიისა და აკადემიის რექტორმა,მთავარესპისკოპოსმა ევგენიმ, რომელსაც პატრიარქი მასპინძლობს. მან აღნიშნა, რომ მოსკოვსა და თბილისის სასულიერო აკადემიებს შორის გაფორმებულია თანამშრომლობის შეთანხმება და იმედი გამოთქვა, რომ თანამშრომლობა მომავალშიც გაგრძელდება და განვითარდება.