ჩხოროწყუს სამშობიარო სახლის მეან- გინეკოლოგები ჩხოროწყუს გამგეობის წინ საპროტესტო აქციას მართავენ. მეან-გინეკოლოგები აპროტესტებენ ჯანდაცვის სამინისტროს 10 მაისის გადაწყვეტილებას, რომლის მიხედვითაც ჩხოროწყუს სამშობიაროში ეს განყოფილება დაიხურა.
როგორც აქციის მონაწილეები აცხადებენ, განყოფილების დახურვის მიზეზი გაუმართავი ინფრასტრუქტურა და სამშობიარო სახლისთვის შეუსაბამო პირობებია.აქციის მონაწილეები ჯანდაცვის სამინისტროს თანხების გამოყოფას სთხოვენ, წინააღმდეგ შემთხვევაში პერმანენტული აქციებით იმუქრებიან.