ქართული ოცნების ერთ-ერთმა ლიდერმა მამუკა მდინარაძემ პარტიაში გამართული პოლიტსაბჭოს და უმრავლესობის სხდომის დასრულების შემდეგ განაცხადა, რომ სხდომა შეეხებოდა მიმდინარე პოლიტიკურ პროცესებს
,, ამაზეც ვილაპარაკეთ, რეგიონებზეც და ამ ჭრილში გადავწყვიტეთ, რომ შემდეგი კვირიდან მმართველი პარტიის ხელმძღვანელები გავალთ რეგიონებში, მათ შორის.
ეს ერთგვარად საარჩევნო კამპანიის დაწყებაც კია თვითმმართველობის არჩევნებისთვის. მაგრამ, სხვა საკითხებიც იქნება პრიორიტეტული, მათ შორის რეგიონალური გამოწვევებიც. ჩვენ თითქმის ყველა რეგიონში, მომდევნო ორი თვის განმავლობაში, გვექნება შეხვედრები, პარტიულ აქტივთან, პირველ რიგში.” – განაცხადა მდინარაძემ.
იგი შეეხო აგრეთვე ევროკავშირის მხრიდან შესაძლო სანქციებს. მისი მტკიცებით, “გადაჭარბების გარეშე” შეიძლება ითქვას, რომ ევროკავშირის მხრიდან “რაღაც სანქციებზე” საუბარი ტყუილია.
“ძალიან სამწუხაროა, რომ ოპოზიციური მედია მთელი დღის განმავლობაში და ჩვენი ოპონენტები წევენ თემას იმგვარად, რომ თითქოს რაღაც ევროკავშირის სანქციებზეა საუბარი. გადაჭარბების გარეშე, პირდაპირ ვიტყვი, ეს არის ტყუილი, როდესაც პირობითობას და ვიმეორებ, პირობით დათქმებს, რომელზეც ჩვენი ძალიან საპატივცემულო კოლეგები საუბრობენ, კოლეგები ევროპარლამენტიდან, ამას დაარქმევ სანქციებს, ეს არის საზოგადოების მოტყუება”. – ათქვა მამუკა მდინარაძემ.