რუსი პროპაგანდისტი ჟურნალისტი, ვლადიმერ პოზნერი ამტკიცებს, რომ თბილისში არავინ დაუჯარიმებიათ. ამის შესახებ ინფორმაციას გამოცემა Ria ავრცელებს, რომელსაც პოზნერი ესაუბრა.
ჟურნალისტის თქმითვე ის უკვე მოსკოვში იმყოფება.
“ჩვენ შორის საერთოდ არავინ დაუჯარიმებიათ”, — უპასუხა ჟურნალისტმა.
შინაგან საქმეთა სამინისტროს განცხადებით, თბილისში ვიზიტისას კარანტინისა და იზოლაციის წესის დარღვევისთვის პოზნერი და მისი თანმხლები 31 პირი დააჯარიმეს. უწყების განმარტებითვე, საქართველოში ჩამოსული 41 ადამიანიდან წესი 9 პირს არ ჰქონდა დარღვეული.
პოზნერისა და მისი მეგობრების დაჯარიმების შესახებ მთავრობის სხდომაზე პრემიერმინისტრმა, ირაკლი ღარიბაშვილმაც განაცხადა.