სენაკში მომხდარი ავტოსაგზაო შემთხვევისას დაშავებულთაგან ერთ-ერთი, 70 წლამდე მამაკაცი ცოტა ხნის წინ გარდაიცვალა. ინფორმაციას გარდაცვლილი მამაკაცის ახლობელი ადასტურებს. რაც შეეხება სხვა დაშავებულებს, მათი ჯანმრთელობის მდგომარეობა სტაბილურია. შეგახსენებთ , ავტოსაგზაო შემთხვევა სენაკში, ჭავჭავაძის ქუჩაზე, დღეს მოხდა . ერთმანეთს ორი ავტომობილი შეეჯახა, რა დროსაც ხუთი ადამიანი დაშავდა. შსს-მ გამოძიება სსკ-ის 276-ე მუხლით დაიწყო.