მეწყერი დაიძრა – თბილისის თავზე გადმოკიდებული სასიკვდილო საფრთხე ყოველდღიურად მზარდია. პროცესი წვიმამ და რთულმა მეტეოროლოგიურმა პირობებმა, სავარაუდოდ, კიდევ უფრო დააჩქარა.
გეოლოგ თეა გოდოლაძის თქმით, დღეს საკმაოდ სახიფათო და საგანგაშო მდგომარეობაა, რადგან ქანები ერთმანეთს უფრო და უფრო შორდება, ნაპრალის სიღრმე კი 18 მეტრია.
მეწყრული პროცესების მიმდებარედ მშენებლობის გაგრძელება კი ტერიტორიაზე მცხოვრებლებმა გააპროტესტეს. კალაძის მოჩვენებითი სიმშვიდის არ სჯერათ ადამიანებს, რომლებიც მეწყერ საშიშ ზონაში, მილიონობით ტონა მოძრავი მიწის მასის ქვეშ ცხოვრობენ. ისინი ამბობენ , რომ მათთვის ყურადღება არავის მიუქცევია და მოსახლეობისთვის არც ევაკუაციის გეგმა გაუცნიათ.