აშშ სენატის საგარეო კომიტეტის სხდომაზე საქართველოში დემოკრატიის მდგომარეობის შესახებ მოსმენა მიმდინარეობს.
ამერიკის შეერთებული შტატების სახელმწიფო მდივნის მეორე მოადგილემ, ჯორჯ კენტმა სენატის საგარეო კომიტეტის სხდომაზე განაცხადა, რომ ქვეყანაში გარე გამოწვევებთან ერთად, სერიოზული შიდა გამოწვევებია.
,,საქართველო აცნობიერებს, რაოდენ მნიშვნელოვანი გავლენა ჰქონდათ აქაურ მეგობრებს კონგრესსა თუ ადმინისტრაციაში საქართველოს წარმატებაში. აქ საქართველოს ხანგრძლივი მეგობარი პირდაპირ მესიჯს მიაწოდებს მას, რაც კრიტიკულად მნიშვნელოვანია. მართალია ჩვენ მხარს ვუჭერთ საქართველოს, თუმცა საქართველოს ლიდერებისგანაც მოველით, იმოქმედონ ქვეყნის საჭიროებისამებრ” – განაცხადა მან.
. კენტის თქმით, არჩევნები კონკურენტუნარიანად შეფასდა, თუმცა აღინიშნა ისიც, რომ მმართველ პარტიასა და ხელისუფლებას შორის მკაფიო ხაზი არ იყო გავლებული, რამაც არჩევნების მიმართ საზოგადოების ნდობა გარკვეულწილად შეამცირა.
“სამწუხაროდ, ოპოზიციის უმეტესობამ პარლამენტს ბოიკოტი გამოუცხადა მაშინ, როდესაც კვლევების თანახმად, იმ ადამიანების უმრავლესობას, რომლებმაც ოპოზიციას ხმა მისცა, სურდათ მათ არჩეულ დეპუტატებს მანდატებით ესარგებლათ.
კენტმა აღნიშნა. რომ საქართველოში ოპოზიციური პარტიის ლიდერის, ნიკა მელიას დაკავება ქართული დემოკრატიისთვის უკან გადადგმული ნაბიჯი იყო. ამან კრიზისი გაამწვავა.
მან, ასევე, თქვა, რომ ხელისუფლებისა და ოპოზიციის მხრიდან შეთანხმების ვერმიღწევა საქართველოს ევროატლანტიკურ მისწრაფებებს საფრთხეს შეუქმნის. სიტუაციის დეესკალაციისთვის არსებული შესაძლებლობების გამოყენება ვერც ხელისუფლების და ვერც ოპოზიციის მხრიდან ვერ მოხდა”, — განაცხადა კენტმა.