მთავარისიახლეებიპოლიტიკაWashington Examiner საქართველოზე - აშშ უნდა ჩაერიოს იქ, სადაც EU-ს არაფერი გამოუვიდა

Washington Examiner საქართველოზე – აშშ უნდა ჩაერიოს იქ, სადაც EU-ს არაფერი გამოუვიდა

Published on

ამეირკული გამოცემა, Washington Examiner საქართველოში მიმდინარე პროცესებზე სტატიას აქვეყნებს, სათაურით “დროა აშშ ჩაერთოს, სადაც EU-ს არაფერი გამოუვიდა”. სტატიის ავტორი, ტიმ როგანი, მოლაპარაკებების ჩაშლას, რუსეთის პრეზიდენტის, ვლადიმერ პუტინის გამარჯვებსა და დემოკრატიულ პროცესებსა და ადამიანის უფლებებში ევროკავშირის დამარცხებას უწოდებს.

სტატიის ავტორი აღნიშნავს, რომ ენმ-ს თავმჯდომარის, ნიკა მელიას დაკავებას საეჭვო სამართლებრივი საფუძველი აქვს და ხელისუფლების მხრიდან ავტორიტარული ძალაუფლების კონსოლიდაციის მცდელობაა. ავტორი, ამ ამბავს ასევე უკავშირებს გიორგი გახარიას გადადგომასაც.

“ამჟამად, ქვეყნის ფორმალური პირველი პირი ირაკლი ღარიბაშვილია, თუმცა მთავრობა მთლიანად მილიარდერი ბიძინა ივანიშვილის მიერ იმართება. პუტინის სიმპათიით აღჭურვილმა კრონი კაპიტალისტმა, ბიძინა ივანიშვილმა მთელი ოპოზიციური სპექტრის იგნორირების ფონზე, კანონის უზენაესობას ძირი გამოუთხარა. ოლიგარქის უარყოფითი გავლენა იგრძნობა, როგორც ადამიანის უფლებების, ისევე ეკონომიკური მიმართულებით. დაუსჯელად ჩაიარა რუსეთის მცდელობამაც, დესტაბილიზაცია შეეტანა საქართველოს დემოკრატიულ პროცესებში მკვლელობის მცდელობებით”, – წერს როგანი.

ამ უკანასკნელში როგანი გულისხმობს, რამზან კადიროვის მიერ, “მთავარი არხის” ჟურნალისტის, გიორგი გაბუნიას, გასანეიტრალებლად შექმნილ დაჯგუფებას. სტატიის ავტორი ამბობს, რომ საქართველოში შეთანხმების ვერ მიღწევის გამო, ევროკავშირის სანდოობა და რეპუტაცია საფრთხის წინაშეა.

“ხელისუფლებამ უარი განაცხადა როგორც მელიას გამოშვებაზე, ისე ვადამდელ არჩევნებზე. ერთადერთი, რასაც ევროკავშირმა თბილისში მიაღწია, მუსიკალური ვიდეოს გამქვეყნებაა, რომელშიც კრისტიან დანიელსონი შენობის ირგვლივ სეირნობს. ეს ევროკავშირის სანდოობისა და რეპუტაციას დიდ ზიანს აყენებს”, – ვკითხულობთ სტატიაში.

სტატიაში წერია, რომ ჯო ბაიდენის ადმინისტრაციამ, თუ მისი რიტორიკა დემოკრატიის წახალისებისას სერიოზულია, ნაბიჯი უნდა გადადგას. როგორც სტატიაში ვკითხულობთ, სასწორზე “ახალგაზრდა დემოკრატიაა”, რომლის გადარჩენის შესაძლებლობა გარე და შიდა წნეხის პარალელურად არსებობს. 

“აშშ-ს მნიშვნელოვანი ეკონომიკური ბერკეტები აქვს, მათ შორის, პირადად ივანიშვილის მიმართ. შეერთებული შტატების  სახელმწიფო მდივანი, ენტონი ბლინკენი დაუყოვნებლივ უნდა ჩავიდეს თბილისში. თუ ამას არ გააკეთებს, კიდევ უფრო გამოუთხრის ძირს პროდასავლური ხალხის მისწრაფებებს და გააძლიერებს პუტინის დამღუპველ გავლენას”, – წერს როგანი.

შეგახსენებთ, რომ ევროპული საბჭოს პრეზიდენტის პირადი წარმომადგენლის მედიაციის მონაწილეობით ოპოზიციასა და ხელისუფლებას შორის მოლაპარაკებები ჩაიაშალა.

სიახლეები

რა ხდება მოსკოვში, ბალაშიხაში, სადაც დიდი ქიმიური ქარხანა იწვის [ვიდეო]

მოსკოვში ცეცხლი გაჩნდა ბალაშიხას ქიმიურ ქარხანაში, რომელიც ერთ-ერთი უდიდესია რუსეთში. ხანძრის კერა, სავარაუდოდ, საწყობში...

არა მგონია, წალენჯიხაში მოეწონოთ, ტრუსიკიანმა კაცმა “ფერარით” რომ გაიშხუილა – არქიმანდრიტი დოროთე

არქიმანდრიტი დოროთე ყურაშვილი წალენჯიხაში კახა კალაძის ჩასვლაზე საკვირაო ქადაგების დროს ისაუბრა და ამასთან დაკავშირებით...

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...