მედიაში გავრცელებული ცნობით, დანიასა და ისლანდიაში საქართველოს ყოფილი ელჩი, გიგი გიგიაძე რეზერვში გადაჰყავთ, რაც სწორედ მელაშვილის მიმართ გაკეთებულ მის განცხადებას უკავშირდება. გასული წლის ოქტომბერში, ჯერ კიდევ მოქმედმა ელჩმა კარტოგრაფების საქმეზე დაკავებული ივერი მელაშვილის ბრალს აბსურდული უწოდა.
აღსანიშნავია ისიც, რომ ელჩის მიერ კარტოგრაფების საქმეზე გაკეთებული განცხადების შემდეგ, საგარეო საქმეთა მინისტრმა, დავით ზალკალიანმა თქვა, რომ გაუკვირდა გიგიაძის “ემოციური დამოკიდებულება კოლეგის მიმართ”
მიმდინარე წლის 20 იანვარს გაირკვა, რომ გიგიაძემ დიპლომატიური მისია დაასრულა და საქართველოში ბრუნდება.
საგარეო საქმეთა სამინისტროში აღნიშნავენ, რომ როტაციის პრინციპის შესაბამისად, როდესაც ელჩი ასრულებს დიპლომატიურ მისიას უცხო ქვეყანაში, ბრუნდება დედაქალაქში.
გიგი გიგიაძეუშაობას ეკონომიკური პოლიტიკის კვლევის ცენტრში (EPRC) აგრძელებს. EPRC-ში გადასვლის შესახებ გიგიაძემ ფეისბუქზე დაპოსტა.