60 წლამდე ქალის გაუპატიურებაში მისი 40 წლის მეზობელია მხილებული. როგორც დაზარალებულის მეზობლები ყვებიან, მამაკაცი ღამე ქალის ოთახში შეიპარა, პირზე ხელი ააფარა და ძალის გამოყენებით მასთან სქესობრივი კავშირი დაამყარა.
„ნაინსულტარი ქალის, გადაადგილებაც კი უჭირს. ღამე ოთახში შემოიპარა, პირზე ხელი ამაფარა და აი, ეს ჩაიდინაო. უთქვამს, ხმა არსად ამოიღოო, მაგრამ როგორ დამალავდა ასეთ რამეს. კი გაირკვა ყველაფერი, მაგრამ ის უკვე გაქცეულია და სადღაც იმალება“, – ყვებიან მეზობლები.
აბაშაში მომხდარ ფაქტზე გამოძიება სისხლის სამართლის კოდექსის 137-ე მუხლით დაიწყო, რაც გაუპატიურებას გულისხმობს. დამნაშავე დაკავებული არ არის, თუმცა პოლიციას დანაშაულის სავარაუდო ჩამდენი პირის ვინაობა დადგენილი აქვს და საგამოძიებო მოქმედებები მიმდინარეობს.