გურჯაანში უბედური შემთხვევა მოხდა – დაღუპულია 8 თვის ბავშვი. როგორც ცნობილია, ქმარმა მეუღლეს ფიზიკური შეურაცხყოფა მაშინ მიაყენა, როცა დედას ხელში 8 თვის ჩვილი ეკავა. დაპირისპირების დროს ბავშვი სავარაუდოდ, ასფიქსიით გარდაიცვალა. ცხედარს სამედიცინო ექსპერტიზა უტარდება.
მშობლები ამ დროისთვის პოლიციაში, გამოკითხვაზე იმყოფებიან. შემთხვევა წუხელ მოხდა, ადგილზე მობილიზებულია პოლიცია და მიმდინარეობს საგამოძიებო მოქმედებები. საქმეზე დაწყებულია გამოძიება. შსს-ს განცხადებით, ბავშვის მამა დაკავებულია.