“ლეიბორისტული პარტიის” ლიდერის შალვა ნათელაშვილის განცხადებით, ახალი საპარლამენტო არჩევნების მოთხოვნის პლებისციტით ან რეფერენდუმით ჩანაცვლება, ბიძინა ივანიშვილის მმართველობას გაახანგძლივებს.
როგორც ნათელაშვილი ამბობს, პლებისციტი ოპოზიციის სრულ კაპიტულაციას ნიშნავს.
ოლიგარქი კუთხეშია მიმწყვდეული და მისი პოლიტიკური დღეები ითვლება. ამ გზაზე ახალი საპარლამენტო არჩვენების მოთხოვნათა ჩანაცვლება პლებისციტით, რეფერენდუმით ან სხვა რაიმე გარეგნულად გონივრული მოტივაციით, ივანიშვილის დიქტატურას გადააქცევს გაურკვეველი ვადის მუდმივობად. აღნიშნულს პლებისციტის მოდელს, ახალ საპარლამენტო არჩევნებამდე, ივანიშშვილი გამოიყენებს თავის გადასარჩენად. პლებისციტზე ახლა ხელისუფლებას ვეხვეწოთ, ნიშნავს სრულ კაპიტულაციას,- განაცხადა შალვა ნათელაშვილმა
შეგახსენებთ, რამდენიმე დღის წინ საქართველოს მესამე პრეზიდენტმა მიხეილ სააკაშვილიმა გააკეთა განცხადება, რომ ოპოზიცია ა;რავითარ შემთხვევაში არ უნდა დათანხმდეს პლებისციტის მოდელს, რადგან ამით ივანიშვილი ცდილობს დრო მოიგოს, რათა მოისყიდოს და დააშინოს ადამიანები.