ბათუმში ხელვაჩაურის მიმართულებით მოძრავი 11 სამარშრუტო ტაქსის მძღოლები მესამე დღეა გაფიცულები არიან.
ისინი მგზავრობის ტარიფების გაზრდას ითხოვენ და ამბობენ, რომ 50 თეთრი საკმარისი არ არის იმ ხარჯებისთვის და ეს იმ ფონზე, როდესაც ქვეყანაში საწვავის ფასი მკვეთრად გაიზრდა. მათივე თქმით, ასევე აქვთ საბანკო დავალიანებებიც რის გადახდასაც ვეღარ ახერხებენ.
მძღოლები ბათუმის მერთან შეხვედრასა და პრობლემების მოგვარებას ითხოვენ. წინააღმდეგ შემთხვევაში კვლავ არ აპირებენ სამსახურებში გასვლას.